بسم الله الرحمن الرحيم
عُدت اخيراً بموضوع جديد احبه مره 🌚✨
قبل فترة طلبت من ايهرب منتجات كثير متنوعه مابين زيوت وكريمات واكل وفيتامينات.
طبعاً استخدمت بعضها، وبعضها استنى اللي عندي تخلص ويجي دورها 😌🖤
مره احب ايهرب واحب منتجاتهم العضويه، اشيائهم ممتازة من تجربتي لبعض المنتجات وصحيه واسعارها جدا مناسبة وحلوة ❤️
ملاحظة // الرابط موجود بأسم المنتج بالانجليزي 💡
راح ابدا اول شي بالزيوت العشق الابدي 🖤
اول شي في القائمه الزيوت المركزة العضوية🌻🌱
اخذت هذي السبعه الانواع ٣ منها اشتريتها قبل سنه والباقيه من مشتريات اخيرة. احب فيها انها متعددة الاستخدام، تنفع تحطيها مع زيوت للشعر، للبشرة، وماسكات للبشرة او الشعر كمان. تنفع للعلاج اذا عندك مشكلة معينه
تبحثي عن الزيت المناسب لهذي المشكلة وتجربيه بس بحذر طبعا لانها مركزة لازم تكوني
تبحثي عن الزيت المناسب لهذي المشكلة وتجربيه بس بحذر طبعا لانها مركزة لازم تكوني
عارفه طريقتها واذا المنتج مايسببلك حساسية🌸
انا عن نفسي من تجربة شخصية استفدت منها، زيت النعناع (Peppermint) وزيت شجرة الكينا (Eucalyptus) فادتني مع الزكمه والكحه والسخونه والصداع وفي حالات التوتر جربت اللافندر (Lavender) لانو معروف انو مهدئ. وفعلاً لاحظت تحسن كبير، مره ممتازه اغنتني عن ادوية الزكمه والسخونه. الكحه خففتها وقت النوم بس استخدمت ادوية ومشروبات الين الحمدلله راحت.
استخدمت زيت شجرة الشاي (Tea tree oil) على بشرتي زي الspot treatment بس احط نقطة منو بأصباعي على الحبه المزعجه وفي يوم تشوفيها اختفت 💪🏼 بعضها تاخذ يومين او اكثر على حسب نوعها وحجمها وسبب وجودها🌚. اضفته مع ماسك طبيعي كمان وعجبني، بشكل عام مفعوله قوي وممتاز 👌🏼🍃
زيت الروزماري (Rosemary) جربت اضيفه لأي زيت شعر استخدمه مره ريحتو حلووة ومعروف انو يساعد في نمو الشعر وتكثيفه🌿
زيت البرتقال🍊(orange)، ريحتو حلاوة برتقال مره حبيتها استخدمته مع ماسك طبيعي للبشرة اضيف منه كم نقطة على الماسك وعندي خطط ثانيه اني اضيفة لزيوت الجسم.
زيت خشب الارز (Cedarwood) اقل زيت استخدمه مادري ليش 😂 ريحته مقبوله مو مره عاجبتني يمكن هذا السبب 🌚 تقريباً ريحة خشب او اللبان حق البخور ماعرف بالزبط ايش. بس استخدمته مع زيت للشعر لانو له فوائد كثيره للشعر.
ان شاءالله راح اتكلم في بوست مفصل عن كل زيت وكيف استخدامتي لها ونتيجتها وكذا. اذا عرفتي كيف تستخدميها مارح تخرج من روتين عنايتك، ممتازة وريحتها حلوه وعضوية كمان 🌻💪🏼🍃
استخدمه لبشرتي ولجسمي لاحظت من أول مره استخدمته انو فرق مره في مسامات البشرة، انا ماعندي مشكلة مسام بس لاحظت تحسن جميل من اول مره. حسيت بشرتي سارت انعم واحلى ومساماتها مقفله ومره صغيرة برغم انها مو مشكلة عندي. هذي ثاني مره اشتريه مره حبيته وترطيبه ممتاز بالذات لمن اكون مسويا تقشير سابق وتبدا البشرة تتقشر احب احطه على القشور واسوي زي المساج عليها وتطلع قشور البشرة بسهوله ويخلي بشرتك حلوة ورطبة طول اليوم ❤️🌻
هذا الزيت ثاني مره اشتريه برضو. احب ابدل بينه وبين الهوهوبا. لاحظت انو يخلي الجلد صحي اكثر واثقل. ماعرف كيف اشرحه بس تحسيه كأنو يغذي البشرة مره حبيته. ترطيبه كمان ممتاز لاحظت انو نفس نوعية الزيت اثقل من الهوهوبا. الهوهوبا تحسيه اخف بس كلهم ممتازين وكل واحد لاحظته يفرق على بشرتي بشكل جميل وملحوظ. احب لمن احط زيت بذور العنب اسوي مساج لبشرتي تقريبا دقيقه، اقل او اكثر على حسب الوقت.
هذا الزيت استخدمه للجسم. مره ترطيبه ممتاز اخذت منه ٣ مرات. احب اخلطه مع زيوت ثانيه. عجيب مره وفوائدة كثيييره ❤️❤️
احب استخدم زيت الافوكادو لشعري. مكتوب على العلبه يستخدم للجلد كمان بس انا احبه للشعر. زيت الافوكادو غني بالمعادن، فيتامين A,B-5,E. بايوتين وغيرها. ويساعد في تكثيف الشعر، يؤخر ظهور الشيب في الشعر. وينفع يستخدم ماسك او زيت مرطب تتركيه في شعرك واستخدامات عديده. ماله ريحه ابدا وممكن تضيفي عليه كم نقطة من الزيوت المركزة وتستخدميه سيرم لشعرك بعد الحمام. 🥑✨🖤
معروف زيت الخروع انو يساعد في نمو الشعر وتكثيفه ويساعد في تأخير ظهور الشيب وينبت الشعر ويعالج بعض مشاكل الفروه. فوائدة كثيره مره ماتوقع ماحد يعرفها ومستحيل يخرج من روتين عنايتي بشعري.
احب اخلطه مع زيت ثاني لانه مره ثقيل ومايمشي في الشعر لوحده. ❤️🌿
هذا الزيت الجميل اخذت قبل فترة الحجم الصغير منه واكتشفت انو مايكفي فترة طويله فقررت اخذ هذا الحجم العائلي الجميل 🌚🌴
استخدمه تقريبا لكل شي، للجسم، للشعر، للوجه وللأكل. ينفع لكل شي. زيت ممتاز احب لمن احطه اتركه في شعري يوم زي ماسك ليلي واغطيه بحاجة وقت النوم.
ريحته كمان جميله زي ريحة الباونتي مره يمي 😂🖤
اكثر شي لاحظته انو عالج مشكلة التقصف 😌🖤🌸
مره شعري كان يعاني من هذي المشكلة بسبب استخدامي للاستريتنر بكثرة. بعد ماقررت استخدم هذا الزيت تقريباً اسبوعياً واتركه في شعري يوم او نص يوم لاحظت فرق جميل. كمان احب احطه قبل كل استحمام حتى لو نص ساعه وكل مره يذهلني بعنايته لشعري✨🌴
هذي ثاني مره اشتريه. من الزيوت اللي نقطة منها تكفي العلبة الصغيرة هذي كفتني سنه واكثر. احب اخلطه مع زيوت ثانيه للبشرة لانو مره مركز وثقيل. حالياً احط منه نقطتين مع زيت البايو اويل وطبعا النتيجه رائعه ومُرضيه جداً 😌🌻
هذا من الزيوت اللي اتحمست اشتريه من المدح عليه. اخذتو قبل فترة وزي مو واضح مره اتحمست اجربه قبل التصوير 🌚🌻
صراحه رحيتو حلوة وترطيبه حلو بس مالاحظت فرق شاسع في جسمي، ماتوقع اقدر احكم من البداية عليه لانو اكيد يحتاج وقت من الاستعمال عشان يبان مفعوله. الماركة نفسها تروج للمنتج انه يساعد في تفتيح اثار الحبوب ويعالج اثار الجروح وعلامات التمدد في الجلد ينفع للحامل تستخدمه على بطنها عشان تمنع مشاكل البشرة اللي تحصل مع الحمل وغيرها من الفوائد. في موقعهم كاتبين انو المنتج يحتوي على مواد احتمال تكون ضارة للحامل لكن مع التجارب الناجحه لكثير من الحوامل اعتبرو المنتج آمن للاستخدام. كاتبين انو عشان تشوفي النتيجه يُفضل استخدام المنتج مرتين في اليوم مع مساج بحركة دائرية على المنطقه حتى يمتصه الجلد. وغالبا تبان النتائج خلال ٣ شهور او أقل او أكثر على حسب الشخص وحالة البشرة وسرعة تجاوبها.
متحمسه اشوف نتائج حلوة منو واحتمال كبير ارجع اشتري الحجم الاكبر منه. اللي في الصورة 70ml واحسو مره صغير 🌚
ثاني مره اشتريها. احبها مره لجسمي وفيه لها استخدامات كثيرة للشعر بس ماجربتها للان. مره احب اذوبها واخلط معاها زيوت واستخدمها لجسمي كله. احب نفسي كل ماستخدمتها احس جسمي نااااعم ويجلس ناعم كم يوم من غير ترطيب مره مره ترطيبها ممتاز وفوائدها كثيرة 🌸
من المنتجات اللي رجعت اخذتها مره ثانيه بس هذي المرة غيرت الماركة فقط. جميل ومايخرج من روتين عناية جسمي ابداا. استخدمه للجسم فقط، احب اخلطة مع الشيا والزيوت الثانيه واحيانا استخدمه لوحده فوق البايو اويل وزيت فيتامين اي. مره حلو ويعطيكي احساس بالبروده والانتعاش، يناسب الفصول الجافه والحارة وترطيبه لطيف مره على البشرة.
مره حلوة وترطيبها حلو. ماحسها مره تغنيكي عن اي مرطب ثاني في الحياة لكن تؤدي الغرض
وسعرها كمان مره مناسب للكمية اللي موجودة في العلبه الوحدة. احبها وهذي ثاني مره اشتريها بس استخدم معاها مرطبات ثانيه🌻
ريحته جميله وتمسك في الشعر. ترطيبه حلو وراح ارجع اخذه. لمن استخدمه مره احب ريحة شعري مره فريش وجميله ومو مزعجه ماتغطي على عطر الشعر اللي استخدمه وفي نفس الوقت ماتروح بسرعه.
احب اسفنجات ريك تكنيك ودايما اخذها من ايهرب لانها اوفر من عندنا بكثير. اخذت العلبه هذي ب ٥٠ ريال 🌻🖤
جربت لوحة غسيل الفرش واعطوني معاها عينة من الغسول مره حبيت الغسول اتوقع حشتريه. اللوحه نفسها عادية يعني زي اي وحدة ثانيه وسعرها مناسب.
نجي للأكل والمكملات الغذائيه 🌸🖤😻
(Hempseed)
اشتريت الهيمب سيد من فترة طويلة واستخدامي له مره قليل مدري ليش. غني بالبروتين وله فوائد ثانيه جميله ابحثو عنه.
احب احط منه نص ملعقه مع اكلي، ماله طعم واضح.
سكر جوز الهند مره طعم ينفع تستخدميه مع الكيكات والحليب والاشياء اللي كذا. احب استخدمه اكثر شي مع السيريال مره يمي وماله طعم واضح معاه. بس الشاي والقهوه مره لا طعمه يغير طعم الشاي والقهوه للاسوء 🌚
اول مره اخذ من هذي الماركة المره اللي قبل جربت ماركه مختلفه بس اتوقع انهم نفس الشي. للان ماجربته.
ملح الهمالايا البنك، مفيد مره ودايما اشوف اليوتيوبرز يتكلموا عنه، طعمه ملح عادي بس اللي حمسني عليه لونه وفوائده 🌸
حبوب سيليكا، اخذتها للشعر. من فترة كنت مره مُنزعجه من شعري وتساقطه وحسيت المشكلة تزيد وماني عارفه كيف اعالجها. بحثت كثير عن منتج يفيد من ناحية تكثيف وتنبيت الشعر ويحافظ على صحته ولقيت اكثر منتج انذكر هوا السيليكا والبايوتين. اخذت السيليكا وجربته من ٢٧ اكتوبر ٢٠١٨ ولاحظت فرق كبير في شعري وكثافته وصحته. هذا المنتج مامنع التساقط الطبيعي للشعر ولكن ساعدني جدا من ناحية نمو الشعر لاحظت شعرات كثير جديدة من قدام بالذات مليان بيبي هير والفراغات البسيطة في شعري اختفت بشكل ملحوظ مو تماما تماما اختفت ولكن مره واضح الفرق بالمقارنه بشعري السابق. مكتوب تاخذي حبتين في اليوم والحبه كبيرة، انا اكتفيت بحبه وحدة في اليوم واوقفه في السفر كمان.
المغانيسوم استخدمه لعلاج مشكلة الآم الدورة. عندي حالة اسمها Dysmenorrhoea "عُسر الطمث" لها اسباب وعلاج لكن غالباً هيا حالة طبيعيه يمرو فيها اغلب النساء. حاولت اعالج مشكلتي بشتى الطرق بس مانفع معايا شي حتى حبوب منع الحمل مامنها فايدة ابدا لحالتي. بعد بحث طويل اكتشفت انو الآم العضلات يُمكن علاجها بالمغانيسوم، الانقباضات المؤلمه اللي تحصل في الرحم يكون غالبا سببها هذا النقص. بعد تجربتي له اعجبني مره وخفت الالام تقريباً ٦٠٪. ممكن استبدال الحبوب بمشروبات طبيعيه لكن ماكتشفتها قبل ماشتري هذا. من مكوناته مادة مبيضه اسمها Titanium Dioxide ممكن تسبب السرطان بس هيا تستخدم في الاجبان والمعجون وكل شي ابيض تقريبا وتعتبر هذي المادة آمنه بنسبة معينه ومسموح استخدامها دولياً 🌚
(Biotin)
ماجربته لسا بس عليه مدح واتوقع اكثر منتج سمعت بيه عند البلوقرز العرب انو يساعد في نمو الشعر
يعتبر منظف للجسم، استخدمته مره وماقدرت احكم عليه لسا. عليه مدح كثير بس صراحه ماتشجعت استخدمه للان. 🌚
وبس اخيراً خلصت موضوع طويل واحتجت وقت لتحضيره وتعديله واضافة الروابط. ان شاءالله يكون خفيف لطيف وافدتكم لو بشي بسيط 🌸❤️
شكراً لقراءتك ..🌻🙏🏼
ولكم باك يا جميلة .. فعلا أغلب المنتجات اللي ذكرتيها جربتها وفعلا جميلة خصوصا الزيوت
ReplyDeleteبوست جميل ومفيد جدا جدا جدا
انتظر بوست الخلطات عشان اجرب لأن بصراحة الزيوت استخدمها كذا بدون ما اسوي خلطات .. أنا من جهة والخلطات من جهة ثانية
هيا كويسه تستخدميها لوحدها برضو بس انا احاول اخلطها قد ماقدر عشان استفيد من فوائدها اكثر وفي نفس الوقت استهلكها مو تجلس في الدرج تستنى دورها ☺️🍃 ان شاءالله في الايام الجايه حنزل بوست عن كيف استخدامتي لها، شكرا للطافتك 💕🌸
Delete