My Favorite French Toast recepies // وصفاتي المفضله للفرينش توست

بسم الله الرحمن الرحيم 

السلام عليكم ياجملات 💕

آخيرا التدوينه الاولى من تحدي النافذه 😻💕☺️🙌🏼😌🙏🏼☕️☕️☕️
بكل حب وحماس حابه اشاركم فكرة فطور شهيه في هذي التدوينه ل٣ وصفات للفرينش توست بسيطة وسهله وتنفع لاي انسانه تحب فكرة الطبخ وتقنع نفسها انو ماعندها وقت تطبخ، ان شاءالله تلاقو شي يحمسكم للفطور او لبرنش او شي مشابه 😋💕

الوصفات الثلاثه حتكون بالترتيب التالي: 

١- فرينش توست بالخضار 🥦

٢- فرينش توست بالعسل 🐝❤️

٣- فرينش توست بالقهوه والشوكلاته ☕️🍫

اول شي المقادير: 

١- توست بُر او اي نوع تفضلي 🍞

٢- بيضتين 🥚🍳 

٣-حليب 🥛

٤- جبنه اي خيار صحي متوفر عندك 🧀✋🏼💕

٥- خضار زي ماتحبي، انا اخترت طماطم وخيار وزيتون وخس 🥒🍅

٦- عسل 🍯🐝

٧- موز او اي فاكهه تفضلي ممكن فراوله او توت بري 🍌🍒🍓

الطريقة الاولى بالخضار 😌💕

تحشي التوست بجبنه وشوية خضار انا حطيت طماطم احبها لمن تكون مطبوخه شويا ونسيت الخس بس كان ف الخطه ☺️💔 بعدين تجهزي خليط الفرينش توست، اللي هوا بيض وحليب في زبدية، تغطسي التوست المحشي فيها وتحطيه ع نار هاديه مع نقطة زيت زيتون وتقلبيه الين يسير شكلو بني ذهبي مو محروق 😌✋🏼

تقدميه ممكن مع زيتون وخيار وخضار على حسب رغبتك ❤️💕

الطريقة الثانيه بالعسل 💕🍯

تحشي التوست جبنه وتغطسيه في الخليط بعدين تحطيه على النار الين يستوي البيض وتحطي عليه شوية عسل وفواكه زي ماتحبي موز او فراوله او ممكن تضيفي بدال العسل زبدة الفول السوداني او مربى او كلها سوا على كيفك 😂😻💕

مقادير فرينش توست بالقهوه والشوكلاته ☕️🍫🖤

١- قهوة او نسكافا ☕️ 

٢- شوكلاته بودره 🍫 

٣- شوكلاته مربعات او سائله 🍫🖤

٤- ملعقتين سكر طبيعي او نوع تفضليه 

٥- مكسرات مشكله 🥜

الطريقة الثالثه بالقهوه والشوكلاته 🖤🍫☕️

تحشي التوست بشوكلاته سايله او شوكلاته مربعات اللي زي كذا مثلا 🍫🍫🍫 

تسوي الخليط بالبيض والحليب، ملعقتين شوكلاته بودرة المره حقت الكيك، معلقه قهوه سودا او نسكافا، ملعقتين سكر طبيعي وتخلطيهم مزبوط بعدين تغطسي التوست فيها وتطبخيه على نار هاديه 💕😋

بعد مايستوي ترشي عليه مكسرات مشكله وشوكلاته سائله اذا متوفر عندك او ممكن توت او اي شي تحبيه 

*الكمية الموجودة في الخليط تحطيها على حسب عدد التوستات اللي حابه تسويها ممكن الكمية اللي اضفتها تكون كثيرة على حبتين توست 😬💕

وبس بالعافيه عليكم ❤️❤️

6